НБА супeрѕвездата Коби Брајант и порача на управата на Виртус од Болоња дека и се потребни 15 милиони долари за да го ангажира на година дена.
Брајант ја одби првата понуда на претседателот Клаудио Сабатини вредна 6,7 милиони, а претседателот на тимот од Болоња подготвен е дури и од 'свој џеп да извади пари' за да го ангажира кошаркарот на Лос Анџелес Лејкерс.
Брајант, кој моментално е на турнеја низ Европа со произведувачот на спортска опрема "Најк", се поврзува и со трансфер во Олимпијакос, новиот тим на македонскиот репрезентативец Перо Антиќ. Се шпекулира дека во Грција веќе може да се купи црвено белиот дрес на Олимпијакос со бројот "24" и името на Брајант на него.
Клубот од Пиреја три години по ред се обидува да го ангажира Коби, а направи бум со купувањето на Џош Чилдрес од Атланта. Но, Олимпијакос сега е во финансиска криза и тешко дека Коби би можел да му стане соиграч на нашиот капитен Перо Антиќ.