Екипата на Литвос Ритас во која настапува македонскиот кошаркарски репрезентативец Предраг Самарџиски синоќа на домашен терен во Вилнус постигна победа во квалификациски дуел за Евролигата. Совладана беше екипата на Будуќност со 83:64 во рамките на четвртфиналната фаза. Самарџиски реализираше 7 поени, без промашување, 4 скокови и 2 блокади за 21 минута.
Во полуфиналето утре Литвос ќе игра со Цибона која ја совлада екипата на Шоле со 77:70.
Вечерва се играат другите два четвртфинални дуела од оваа група: ПАОК – Галатасарај и Асвел – Гравелан.
Во втората група која се игра во Шарлроа (Белгија) синоќа Алба ја победи Рига со 82:60, а домаќинот Шарлроа беше подобар од Доњецк со 61:59.
Вечерва играат Химки – Туров и Нибург – Банвит.
Полуфиналните натпревари се играат утре, а финалните в недела.
Само победниците ќе изборат пласман во Евролигата, а поразените екипи ќе продолжат во Еврокупот.