Упорноста му се исплатеше на претседателот на Виртус од Болоња, Клаудио Сабатини. Поранешниот првак на Европа успеа во своите редови да го доведе Коби Брајант кој долго одолеваше на баслословните понуди од Италија.
"Постигнавме договор за економските услови и ни преостана уште да дефинираме само некои детали и да потпишеме договор. Прашање на часови е кога Брајант и официјално ќе стане играч на Виртус." - изјавил првиот човек на клубот од Болоња, Клаудио Сабатини.
Медиумите пренесуваат дека ѕвездата на ЛА Лејкерс ќе потпише договор на 40 дена, вреден 3 милиони долари. Предвидено е Брајант за време на престојот во Виртус да одигра десет меча и по завршување на локаутот да се врати во Лејкерс.