Екипата на Торус СЦ Борис Трајковски, еден од двата македонски претставници во регионалната кошаркарска БИБЛ лига, денеска против Темишвар во Романија ќе го има својот втор настап во ова натпреварување. Почетокот на натпреварот е во 17 часот.
Во рамките на „А“ групата освен дуелот во Романија, ќе се одиграат натпреварите Рилски Спортист - Морнар и Хапоел Галил - ОКК Београд. Овие две средби се закажани за утре.
Од групата „Б“ за утре е предвидено да се играат два натпревара. Бранителот на трофејот Фени Индустри во Кавадарци (почеток 17:45 часот) ќе му биде домаќин на Напредак од Крушевац, додека претставникот на Црна Гора, тимот на Улцињ го пречекува Левски од Софија.