Литванска антидопинг агенција потврди денеска дека двете проби изработени во текот на Евробаскетот 2011. година биле позитивни.
Агенција не ги соопшти имињата на кошаркарите кои биле позитивни, но истакна дека се работи за играчи од Македонија и Шпанија. Потсетуваме, нашата селекција на ЕП го освои четвртото место по поразот од Русија во борба за бронзениот медал, додека Шпанија беше подобра од Франција во финалето и така ја одбрани титулата шампион на Европа.
Антидопинг агенцијата на Литванија најави дека ќе ги проследи сите резултати до ФИБА, на која останува да одлучи дали ќе бара понатамошни анализи. Литванците потврдија дека во овој момент не можат со сигурност да кажат дали антидопинг резултатите се навистина последица на допинг или евентуално производ на "грешка" во телата на двајцата кошаркари.