Актуелниот шампион во БИБЛ Лигата, тимот на Фени Индустри попладнево во Кавадарци (почеток 17:45 часот) го игра третиот натпревар од ова натпреварување и е во очекување да ја постигне првата победа пред своите навивачи. Кавадарчани се домаќини на Напредак од Крушевац, екипа која претрпе пораз во првото коло.
Со евентуална победа над српскиот претставник, Фени Индустри ќе се изедначи на врвот на табелата со тимот на Хапоел Тел Авив со по две победи и еден пораз.
Во „Б“ групата покрај овој натпревар се игра дуелот Улцињ - Левски.
Вториот македонски претставник Торус СЦБТ, вчера ја постигна првата победа откако во Темишвар ја совлада истоимената домашна екипа со 74:72. За Торус СЦБТ ова беше прва победа во „А“ групата, каде денеска се играат уште два натпревара: Рилски Спортист - Морнар и Галил Гилбоа - ОКК Београд.