Осмото коло во кошаркарскиот шампионат на Македонија го носи дуелот на досега двете непоразени екипи во Првата лига. Во Кавадарци, ќе се сретнат екипите на Фени Индустри и Торус СЦ Борис Трајковски, тимови кои во досегашните шест одиграни натпревари забележаа исто толку победи. Дербито во салата „Јасмин’’ започнува во 17 часот.
Во терминот од 18 часот во Скопје се играат натпреварите, Работнички – Лирија и Вардар – Кожув, додека натпреварот во Струмица меѓу АБА и Куманово ќе започне половина час подоцна (18:30).
Слободен во ова коло е водечкиот тим на табелата МЗТ Скопје Аеродром.
Табела: МЗТ Скопје Аеродром 13 бодови (7 одиграни натпревари), Фени Индустри 12 (6), Торус СЦ Борис Трајковски 12 (6), Лирија 9 (6), Вардар 8 (6), Куманово 8 (6), АБА Струмица 8 (7), Кожув 7 (6) и Работнички 6 (6).