ЦСКА Москва е првата екипа која избори пласман во четвртфиналето во годинашново издание од кошаркарската Евролига. ЦСКА во синоќешниот натпревар од 5.коло во ТОП 16 фазата го победи Олимпијакос со 96:64.
Капитенот на македонската репрезентација Перо Антиќ на овој дуел за Олимпијакос постигна 7 поени.
Во вториот натпревар од „А“ групата, Галатасарај во „турската пресметка“ го победи Ефес Пилсен со 64:56.
Неизвесен натпревар се одигра во групата „Б“. Билбао ја победи екипата на македонскиот репрезентативец Лестер Бо Мекејлеб со 60:59, а Мекејлеб натпреварот го заврши со 12 поени.
Вечерва се играат другите натпревари од ова коло. Двојките се: Фенербахче – Уникс, Макаби – Жалгирис, Реал Мадрид – Уникаха, Канту – Барселона и Панатинаикос – Армани.
Преглед на табелите во групите:
„А“ група: ЦСКА Москва 4-1 (победи-порази), Галатасарај 3-2, Олимпијакос 2-3, Анадолу Ефес 1-4.
„Б“ група: Монтепаски 4-1, Билбао 3-2, Реал Мадрид 2-2, Уникаха 0-4.
„Ц“ група: Панатинаикос 3-1, Уникс 3-1, Армани 1-3, Фенербахче 1-3.
„Д“ група: Барселона 4-0, Макаби 2-2, Канту 2-2, Жалгирис 0-4.