Тимот на Мајами ја освои втората шампионската титула во досегашната историја откако во петтиот натпревар од финалето во скратената сезона го совлада тимот на Оклахома Сити со 121-106. Првата титула Мајами ја освои во 2006 година, кога во финалето го победи тимот на Далас Маверикс.
По десет години самонаречениот крал на НБА, Леброн Џејмс конечно освои прстен. Тој со триплдабл го качи Мајами на тронот. „Ова за мене е исполнување на сонот. Морав да донесам тешка одлука и да го напуштам Кливленд затоа што знаев дека овој тим има иднина. Денес се ми се врати“, изјави Џејмс кој се закити со МВП наградата.
Леброн Џејмс и покрај повредата во претходниот натпревар успеа да дојде до трипл дабл учинок од 26 поени, имаше 11 скока и 13 асистенции, додека пак колегата Крис Бош беше веднаш зад него со 24 коша.
-„Ова за мене е исполнување на сонот. Морав да донесам тешка одлука и да го напуштам Кливленд затоа што знаев дека овој тим има иднина. Денес се ми се врати“, изјави Џејмс, кој во плејофот имаше просек од 28,6 поени со 49 проценти шут од игра, 10,2 скока и 7,4 асистенции.
Во тимот на Оклахома Сити, Кевин Дурант го заврши натпреварот со 32 коша и 3 асистенции, додека пак Расел Ветбрук и Табо Сефолоша останаа на 19 коша во финалниот натпревар.