Сопственикот на НБА тимот Л.А. Лејкер, Џери Бас, починал од канцер вчера во Лос Анџелес, јавуваат американските медиуми, пренесува Нетпрес.
Осумдесетгодишниот Бас, го купил кошаркарскиот клуб во 1979 година и со него на чело тимот не само што стана гламурозен туку и освои дури 10 шампионски титули, а за Лејкерси настапувале и голем број на НБА легенди.
Бас, минатата недела бил хоспитализаиран поради компликации со болеста. Инаку, откако пред 18 месеци му бил дијагностициран канцер, тој постојано бил на болнички третмани.
Во 1979 година тој клубот го купил за 67,5 милиони американски долари, а во јануари годинава вредноста на Лејкерси била проценета од магазинот „Форбс“ на околу една милијарда долари, и бил рангиран како втор највреден клуб во НБА веднаш зад Њујорк Никс, кој бил проценет на 1,1 милијарди долари.