Тимот на Мајами ја одбрани титулата во НБА лигата, откако во мајсторката во финалето на домашен терен го совлада Сан Антонио со 95:88.
Најдобриот играч во светот Леброн Џејмс, беше најзаслужен за освојување на третата титула на “жешките”, постигна 37 поени ,12 скокови и четири асистенции. Голема поддршка имаше од Двејн Вејд, кој натпреварот го заврши со 23 поени и 10 скокови.
-Работев многу напорно на својата игра во текот на целата сезона и затоа сум пресреќен што повторно успеав да ја освојам титулата, изјави Џејмс, кој ја понесе и титулата најкорисен играч во финалето (МВП)
Кај Спарси, најефикасен беше Тим Данкан со 24 поени и 12 скокови , додека Џинобили натпреварот го заврши со 18 поени