Машката кошаркарска репрезентација на Македонија до 18 години успеа да се пласира во полуфиналето на Европското првенство – Б дивизија што се игра во Струмица.
Нашите јуниори ввчера во клучниот натпревар за влез во полуфиналето ја совладаа Холандија со 69:55 (15:10; 14:10; 22:22 и 18:13). Со оваа победа вкупно четврта на шампионатот нашите кошаркари го обезбедија второто место во четвртфиналната група Е независно од исходот на дуелот Полска – Естонија, кој е во тек.
Кристијан Николов со 17 поени беше најефикасен, а Андреј Магдевски реализираше 15. Љубиша Младеновски постигна 13 поени со 9 скокови.
Македонија во сабота во полуфиналето ќе игра со првопласираната селекција од групата Ф.