Српскиот интернет портал Mondo во репортажата за Јесенице која ја направи пред почетокот на Еуробаскетот во Словенија, објави и фотографии од кои се гледа атмосферата која ја прават фановите дојдени да ги бодрат репрезентациите од групата Б.
Според Mondo, жителите на овој град не се потрудиле премногу за да ја подобрат атмосферата и речиси и да нема траги дека таму ќе се играат натпревари од Европско првенство. Но, од фотографиите може да се види и македонското знаме развиорено на балкон во близина на плоштадот Маршал Тито, а според пишувањето, литванските фанови веќе го окупирале кафулето во близина на салата „Подмежакла“ каде и ќе се играат натпреварите од групата Б.
Првиот натпревар Македонија ќе го одигра утре против репрезентацијата на Црна Гора.
Погледнете.