Селекторот на македонската кошаркарска репрезентација Словенецот Алеш Пипан, по поразот на Македонија од Летонија во последното коло од групната фаза ја прифати одговорноста за елиминацијата по групната фаза.
„Тешко е да се направи анализа веднаш по средбата, треба одново да се погледнат сите натпревари. Многу нѐ погоди неправдата против Црна Гора, а против Србија покажавме дека знаеме да играме големи средби. Но, потоа дојде БиХ, односно голем пад, а денеска бевме во тешка ситуација уште од самиот почеток да бркаме разлика. Но, ако барате виновник, јас сум тука, но не ги чепкајте кошаркарите. Тие заслужија да одат со крената глава, тие најмногу сакаа да ги добијат натпреварите“, изјави Пипан.