Македонскиот кошаркар Перо Антиќ мина 29 минути на теренот на синоќешниот натпревар што неговата екипа Атланта го одигра на гости кај Далас.
Атланта по шестти пат беше поразена 98:88 (19:24; 28:19; 29:26 и 22:19) и така со само една победа ја заврши серијата од претсезонски натпревари.
Антиќ имаше осум скокови најмногу досега на еден натпревар од петте на колку што играше. Во текот на 29-те рекордни минути досега Антиќ постигна два поена од линијата за слободни, имаше три асистенции, една украдена топка и една грешка.
Во екипата на Атланта не настапија Ал Харфорд, Пол Миласп, Џеф Тиго и Клај Корвер, а Денис Шредер реализираше 21 поен.
Кај Далас најпрецизен беше Дирк Новицки со 17 поени.
Првиот натпревар од сезоната во НБА лигата, Атланта го игра на 30 октомври против Далас на гости.