Најдобриот кошаркар на Оклахома Сити, Кевин Дјурант го достигна постигнувањето на легендарниот Мајкл Џордан кое изнесуваше 25 или повеќе реализирани поени на 40 натпревари во серија.
Дјурант ноќеска на 41.от натпревар во низа забележа барем 25 поени надминувајќи го достигнувањето на „Ер Џордан“ постигнато сезоната 1986/87, најдолга ваква низа во последните 40 години.
Ѕвездата на Оклахома синоќа постигна 38 поени, но и тоа не беше доволно неговиот тим да избегне пораз од Феникс (115:122).
Сепак Дјурант се уште е далеку од рекордот во НБА лигата по број на натпревари со дадени 25 или повеќе поени кој го држи Вилт Чембрлен. Овој играч на дури 106 натпревари во серија постигнал 25 или повеќе поени.