Атланта, 10 април 2015 (МИА) – Екипата на Атланта остатокот од сезоната и плеј офот ќе го игра без крилото Табо Сефолоша, кој има скршеница на скочниот зглоб и оштетување на лигаментите на коленото и притоа ќе мора да му биде извршена операција.
Сефолоша и нашиот Перо Антиќ во средата наутро беа приведени од страна на полицијата на Њујорк, кога ја попречувале полицијата во настанот кога беше избоден со нож кошаркарот на Индијана Крис Копленд. Повредите Сефолоша ги здоби пред апсењето.
- Оваа ситуација е тешка за него и ние ќе му дадеме поддршка во текот на рехабилитацијата, изјави тренерот на Атланта, Мајк Буденхолцер.
Сефолоша е обвинет за непристојно однесување, а и тој и Антиќ се пуштени на слобода, но во јуни ќе мора да се појават на суд во Њујорк.
Сефолоша оваа сезона на 52 натпревара постигна 5.3 поени на натпревар и има 4.3 скокови.