Репрезентативецот на Македонија, Иван Тричковски го постигна својот деби погодок во дресот на белгискиот прволигаш Клуб Бриж.
Дуелот од 4. коло во најмасовното клупско натпреварување, Лигата на Европа, против англискиот премиерлигаш, Њукасл, заврши без победник, 2:2, а нашиот интернационалец го постигна првиот погодок на натпреварот.
Многу важна победа од 4:2 над директниот ривал за првата позиција во групата, преставникот на Украина, Днипро, забележа италијанскиот калчолигаш Наполи, а последните 18 минути од натпреварот ги одигра и капитенот на нашиот национален тим, Горан Пандев.