Во Ферари сакаат да немаат многу големи очекувања пред стартот на вториот дел од сезоната 2015 година и покрај тоа што успеаја да задржат тесна разлика од лидерот во генерален пласман, Луис Хамилтон во Мерцедес. Италијанскиот тим замина на летен одмор по сензационалната победа на Себастијан Фетел во Унгарија, негова втора во деби сезоната за италијанскиот тим.
Фетел сега има 21 поен помалку од германскиот сонародник Нико Розберг, додека Луис Хамилтон „бега“ уште 21 поени како лидер во генерален пласман. Германецот изјави дека неговиот тим ќе направи сè да остане во борбата за титулата, меѓутоа портпаролот на тимот, Алберто Антонини, побара трпеливост и внимание посочувајќи дека со две победи ти не се одеднаш „брилијантни“.
„Не мислевме дека сме во криза по Силверстоун, исто како што сега не веруваме дека сме брилијантни. Остануваме со двете нозе на земја и знаеме дека имаме тешка конкуренција, но ќе го дадеме нашиот максимум како и секогаш“, изјави Антонини.