Бахреин, 16 април 2017 (МИА) – Возачот на Ферари, Себастијан Фетел, беше најбрз на денешната трка од шампионатот во Формула 1 што е втора победа за него во новата сезона.
Германецот триумфираше на трката за Големата награда на Бахреин, со време 1:33:53.374 часа, пред двоецот на Мерцедес, Луис Хамилтон кој беше втор со 6.660 секунди заостанување зад победникот и Валтери Ботас кој заврши на третата позиција со 20.397 секунди побавно време од Фетел.
Четврто место му припадна на Кими Раиконен (Ферари), петти беше Даниел Рикардо (Ред Бул), шести Фелипе Маса (Вилијамс).
Бодови освоија и седмо пласираниот Серхио Перез (Форс Индија), Роман Грожан (Хас) кој трката ја завшри на осмата позиција, деветтиот Нико Хулкенберг (Рено Спорт) и Естебан Окон (Форс Индија) со пласманот на 10.место.
Во Генералниот пласман води Фетел со 68 бода, Хамилтон има а 61 поени и Ботас 38.
Во конкуренција на конструктори прв е Ферари со 102 бода, пред Мерцедес со 99 и Ред Бул со 47 поени.
Следната трка е закажана за 30 април кога се вози трката за Големата награда на Русија.