Лучано Бурти, поранешниот Ф1 возач, а сега коментатор за бразилскиот „Глобо“ вели дека добил лоши вести околу судбината на критично повредениот возач на Марусја, Жил Бјанки. По речиси три недели од незгодата, нема многу нови информации за состојбата на Бјанки.
„Зборувајќи со луѓе кои ја познаваат ситуацијата подобро, дознав шансите за заздравување се многу мали. Ако тој преживее, шансите да живее без последици се исто така многу мали. За жал, сите знаеја дека е вистинско чудо што тој не почина веднаш по незгодата“, вели Бурти.