Џенсон Батон се надева дека Мекларен нема да го пуштат да си оди само поради парите, и вели дека се чувствува како да не е поканет на божиќна забава. Очекувањата се дека Фернандо Алонсо ќе го замени Батон во англискиот тим, и Британецот вели дека би било добро да почувствува малку повеќе љубов од тимот.
„Сакате да се чувствувате како да сте дел од тимот и од семејството. Ова е како да твоите родители да ти кажат дека не се сигурни дека те сакаат на Божиќ. Но, твојот брат може да дојде бидејќи тој е ОК. Кога сте дел од семејството, сакате да се чувствувате така. Тоа е поважно од парите“, изјавува Батон.
Според шпекулациите, Мекларен не се одлучени помеѓу Батон и неговиот колега, данскиот дебитант Кевин Магнусен. Додека Батон има огромно искуство, Магнусен е млад возач со голем потенцијал кој исто така е и „поевтин“.
„Што и да се случи за 2015, парите не се проблем на никој начин или форма. Барем за мене. Дали ќе се тркам тука или на друго место ќе го правам тоа бидејќи го сакам. Секако, сакам да заработувам пари бидејќи сметам дека треба да бидеш платен за тоа што го правиш, но би се тркал и без големи пари, за разлика од доста возачи кои ги познавам“, додава 34-годишниот Англичанец.