Генералниот директор на Мекларен, Рон Денис, вели дека Луис Хамилтон бил една од главните причини за неуспехот во сезоната 2007, кога Фернандо Алонсо првпат беше во англискиот тим. Алонсо дојде во Мекларен по двете титули со Рено, но имаше спектакуларни несогласувања со Хамилтон и Денис пред да си замине.
Двајцата велат дека има „незавршена работа“ за 2015, меѓутоа Денис посочи уште еден виновник - самиот Хамилтон.
„Реалноста во Ф1 е дека седум недели се цел животен век, додека седум години се огромно време. Иако, за жал, имав 60 години и пред седум години, секогаш зрееш и растеш. Тогаш го имавме Луис, младо момче кои според многумина беше ’избраниот’, но и човек со многу незрелост. Ако бараме кој прв почна, тогаш ќе кажам дека Луис имаше своја улога. Обично сите предизвици меѓу возачите, како помеѓу Прост и Сена успевав да ги решам, но тогаш некако не успеав“, вели Денис.