Кошаркарите на Мајами му се реваншираа на Далас за поразот во претходниот натпревар на домашен терен и ноќеска во „Американ Ерлајнс Центарот“ во Далас славеа победа со 88:86.
Мајами поведе со 2-1 во добиени натпревари, а во историјата на НБА финалните натпревари од 1985 година кога се игра во формат 2-3-2 екипата која повела со 2-1 ја освојувала титулата.
Решавачкиот кош беше постигнат на 39 секунди до крајот, го постигна Крис Бош, кој вкупно реализираше 18 поени. Предводник на „жешките“ до новата победа беше Двејн Вејд со 29 поени и 11 скокови, а третиот играч од „големото трио“ на Мајами, Леброн Џејмс стигна до 17 поени.
Најефикасен на натпреварот беше Дирк Новицки со 34 поени и 11 скокови.
Натпреварот број 4 се игра ноќта меѓу вторник и среда по македонско време. Повторно домаќин е тимот на Далас.