Германскиот напаѓач Марио Гомез го напушта Бешикташ поради влошената политичка ситуација во Турција. Гомез на својот профил на социјалните мрежи напиша порака до своите фанови во кое наведува дека не се чувствува сигурен во Истанбул.
„Причината поради која сакам да си одам е нарушената политичка ситуација во Турција и ништо друго. Едноставно не се чувствувам безбеден по страшните случки во изминатите неколку денови“, пишува Гомез, кој моментално е на одмор.
Германецот минатата година пристигна во Бешикташ како позајмен од Фиорентина со опција турскиот клуб да го откупи неговиот договор. Но, 31-годишниот напаѓач ќе бара нова средина, а има понуди од италијански и англиски екипи.