Италијанскиот шампион Јувентус ќе го продолжи договорот на аргентинскиот напаѓач Пауло Дибала до 30 јуни 2021 година со подобри финансиски услови. 22-годишниот фудбалер се приспособи на начинот на игра во Серија А и од меч во меч е сè подобар, па „Старата дама“ на него гледа како носител на играта во идните години. Затоа сака да го задржи Дибала за подолго време.
Јувентус всушност ќе ја продолжи соработката за уште една сезона, а фудбалерот ќе заработува по 4,5 милиони евра по сезона и дополнителни бонуси. Инаку, Дибала беше купен од Палермо минатото лето за 32 милиони евра. Тој досега запиша 55 натпревари со 27 гола и 11 асистенции.