Манчестер јунајтед би се разделил со голманот Давид де Геа само ако некој клуб извади од касата 60 милиони евра. Толку изнесува откупната клаузула на играчот во договорот што го потпиша со „Црвените ѓаволи“ во 2015 година. Шпанскиот голман во септември минатата година беше пред преселба во Реал Мадрид, меѓутоа зделката пропадна во последен миг бидејќи англискиот клуб не ги испратил навреме документите до мадриѓаните. А само неколку недели подоцна Де Геа потпиша нов, побогат договор со Манчестер јунајтед до 30 јуни 2019 година.
Ако некој клуб одлучи да го купи Де Геа тогаш тоа ќе биде рекорден трансфер на голман. Инаку, рекордот за најскап голман уште е во сопственост на Џанлуиџи Буфон, кој премина од Парма во Јувентус во 2001 година за 53 милиони евра.