Како што пишуваат шпанските медиуми Мануел Пелегрини на тренингот во понеделникот се поздравил со играчите на Реал Мадрид а подоцна и разговарал со генералниот директор на клубот Хорхе Валдано околу условите за раскин на договорот.
Чилеанскиот стручњак оваа сезона со "Кралскиот клуб" остана без трофеј, па така разделбата е неминовна. Се поизвесно е дека на клупата на Реал следната сезона ќе седне Жозе Мурињо, посебно по изјавата на претседателот на Интер, Масимо Морати кој не верува дека португалецот ќе остане и следната година на клупата на тимот од Милано.