По веста која беше објавена на повеќе веб портали во која беше информирано за допинг на двајца кошаркари на Евробаскетот во Литванија, меѓу кои еден македонски репрезентативец, Европската кошаркарска федерација ја демантираше информацијата.
Во веста стоеше дека литванска Антидопинг агенција потврдила две позитивни проби направени за време на Европското првенство во Литванија.
По пишувањата дека еден македонски и еден шпански репрезентативец биле позитивни на допинг тестовите направени од литванската Антидопинг агенција, Европската кошаркарска федерација излезе со демант во кој се отфрлаат овие информации.
- ФИБА Европа ги отфрла шпекулациите на медиумите кои тврдат дека двајца играчи кои учествуваа на последниот Евробаскет во Литванија се позитивни на допинг тестот, стои во соопштението.
Во демантот се вели дека сите такви информации се без основ и оти ФИБА Европа ќе била прва која би информирала доколку имало позитивни тестови за забранети супстанции во текот на ЕП 2011.