Перо Антиќ синоќа на натпреварот против Индијана го забележа својот најдобар учинок, по втор пат во досегашниот тек од НБА кариерата. Тој постигна 16 поени (вклучувајќи и три важни тројки), еден помалку од колегата Кајл Корвер во важната победа за Хоукс со резултат 97:87 (25:12; 24:20; 30:34; 18:21).
Со победата на Атланта над Индијана, Хоукс ја прекинаа серијата од 3 порази по ред, а покрај 16-те поени, Антиќ го заврши натпреварот и со 4 скока и 1 асистенција.
-Игравме против одличен тим, изјави Антиќ по натпреварот во кој 12 од 16-те поени ги постигна во првото полувреме и додаде:
-Сакаме да докажеме дека знеаме да победуваме во вакви натпревари, објасни Антиќ.