Ждрепката за одредување на двојките во осмина-финалето од Лигата на шампиони беше извршена денес попладне и фудбалската јавност ги доби паровите кои во февруари ќе се натпреваруваат во нокаут-фазата.
Но само 22 часа пред одржување на ждрепката, на социјалната мрежа Twitter се појави страница CR Draw Manipulator на која преку посебни „твитови“ беа објавени сите 8 двојки од осмина-финалето. Овој Twitter профил пишува дека можеби извлекувањето е наместено и дека сите парови биле познати уште од вчера.
Секоја од двојките е идентична како и по ждрепката која беше одржана денес попладне, но клубовите кои ќе бидат домаќини во првиот натпревар во дел од паровите се различни од тие објавени на оваа Twitter страница.
Шалке - Реал Мадрид,
Зенит - Борусија Дортмунд,
Галатасарај - Челзи,
Баер Леверкузен - ПСЖ,
Милан - Атлетико Мадрид,
Олимпијакос - Манчестер Јунајтед,
Манчестер Сити - Барселона и
Арсенал - Баерн Минхен
Финалето од ЛШ ќе се одигра на 24-ти мај на „Стадионот на светлината“ во Лисабон.