Победивме на најважното натпреварување на светот, рече тренерот на Реал Мадрид Карло Анчелоти откако „кралевите“ ја освоија десеттата титула во Европа со победата над Атлетико Мадрид од 4:1 во драматичното финале во Лисабон.
- Многу сум задоволен, затоа што успеавме да го победиме и ова е многу важно за Реал Мадрид. Сите ние кои работевме напорно цела сезона сме многу горди на постигнувањето. Јас лично сум многу среќен. Навивачите на Мадрид се неверојатно среќни и тоа не исполнува. Најтешко беше да го постигнеме изедначувачкиот гол. Атлетико се бранеше одлично, но ние се обидувавме на сите можни начини и на крајот успеавме. Тоа целосно го промени натпреварот. Голот ни даде сили и потоа сакавме да стигнеме до победата уште повеќе. Тоа е фудбалот - понекогаш немаш среќа, понекогаш имаш. Го освоивме најважното натпреварување на светот. Оваа сезона беше долга и по полуфиналето со Баерн, нашите резултати не беа така добри, но сакам да им честитам на играчите, бидејќи беа фантастични текот на целата година. Пред натпреварот разговарав со Симеоне, му честитав на шампионската титула во Ла Лига. Треба да ги почитуваш тимовите кои се бореле до крај. Но мислам дека ние заслуживме да победиме, изјави Анчелоти.