Победникот на 11 Формула 1 трки, Бразилецот Рубенс Барикело, ќе се натпреварува на „24 Часа Ле Ман“ првпат во кариерата следната година со новиот холандски тим на Јан Ламерс. 44-годишниот Барикело, кој по повлекувањето од Формула 1 продолжи да се трка во Бразил, ќе вози Далара-Гибсон ЛМП2 автомобил, кој ќе го дели со победникот од 1988, Јан Ламерс и аматерскиот тркач Фриц ван Ерд.
„Барав атрактивен колега кога дојдовме до Рубенс. Го познавам него од неговата 15-та година, кога не знаеше ниту еден збор англиски бидејќи тестираше со нашиот ГМ Лотус тим во Евросеријата во 1989 година. Тој е расположен за ваква авантура“, вели Ламерс.