Ники Лауда, трикратниот светски шампион и не-извршен директор на Мерцедес, верува дека Ферари во моментов има еднаква сила на моторот како германскиот тим по скокот во перформансите оваа сеозна. Ферари се најсериозен (можеби и единствен) конкурент на Мерцедес откако Себастијан Фетел победи на Малезиското ГП, а Луис Хамилтон ги доби другите три трки.
„Ферари ја намалија разликата од минатата година на речиси нула. Мислам дека нивниот мотор е посилен за 45 коњски сили, што е навистина импресивно. Сега, разликата зависи од болидот и од тоа што го прават возачите. Ако како тим си мислиш дека никој не може да те ’фати’, тоа е рецепт за неуспех“, изјави Лауда.