Вашингтон, 26 април 2012 (МИА) - Републикански конгресмен од Калифорнија изјави за Танјуг дека се залага Србите од север во Косово да добијат право за самоопределување и оцени дека најдобро решение е размена на територии.
- Луѓето имаат право да одлучуваат за својата лична судбина, и затоа на почетокот го поддржував Косово. Тие не сакаа да бидат дел од Србија. Сега косовските власти би требало да признаат дека Србите кои се на границата со Србија, не сакаат да бидат дел од Косово, изјави Дејна Рорабакер.
Според него, најдобро решение е размена на територии каде мнозинство се Срби, односно Албанци.
- Нема причина тоа да не се случи бидејќи тоа е во интерес на сите. Веднаш потоа со преговори би требало да се дојде до отворени граници за трговска размена без царини. Со тоа би се намалиле денешните непријателства, ќе се поттикне економската соработка и тоа би било вистинска нормализација на односите, оцени тој во интервју за Танјуг.
На констатација дека таков план нема поддршка во САД ниту во ЕУ, конгресменот вели дека е сигурен од Србите би биле за таков договор, но во овој момент се противат властите во Косово.