На арената во Торино Јувентус и Шахтјор одиграа 1:1. Иако имаше низа шанси на обете страни, сепак, ниту една екипа не ги однесе трите бодови. Први поведоа гостите во 23 минута. Вилиан ја протна топката меѓу тројца одбранбени играчи на Јувентус, а Алекс Тешеира иако го имаше Бонучи со лизгачки старт пред себе со силен шут ја смести топката под гредата на Буфон.
Но, домашните бргу се израдуваа на израмнување. Само неколку минути подоцна по корнерот на Андреа Пирло, стоперот Бонучи со шут со десната нога ја испрати топката во небранетиот дел од голот на Пјатов.
До крајот резултатот не се промени па така Јувентус го освои вториот поен во групата "Е", додека Шахтјор сега два бода повеќе е на втората позиција.