Менаџерот на Манчестер Сити, Роберто Манчини имаше мала расправија со данскиот судија Питер Расмусен, по завршувањето на натпреварот од четвртото коло во ЛШ против тимот на Ајакс. Тој беше бесен на Расмусен бидејќи не досуди пенал по стартот (влечење за дрес) врз Марио Балотели во противничкиот шестнаесетник, но и за поништениот гол на Сехио Агуеро, за кој судијата одлучи дека бил постигнат од недозволена позиција. Дел од англиските медиуми го нарекоа Mad-chini, а според нив на Манчини му се заканува суспензија од УЕФА за испадот по натпреварот.
Манчестер Сити вчера на домашен терен одигра само 2-2 со Ајакс, а по четири кола, англискиот шампион има само два бода на табелата во групата Д. „Граѓаните“ моментално имаат вкупен учинок од два нерешени натпревари и два порази.
Следниот натпревар Манчестер Сити го игра на домашен терен, против тимот на Реал Мадрид.
Првиот натпревар на Сантијаго Бернабе заврши 3-2 за Реал Мадрид.