Тренерот на Реал Мадрид, Жозе Мурињо ги изрази амбициите за тековната сезона во Лигата на шампионите и пред денешниот дерби натпревар против Манчестер Јунајтед. Трета титула за него во ЛШ.
-Има многу добри тренери и клубови кои никогаш не освоиле титула во ЛШ. Реал има девет такви титули, а јас две, што прави да се чувствувам привилегирано. Реал сака да ја освои десеттата титула во историјата на клубот, а јас третата и ќе се стремам да го остварам тоа. Не знам дали тоа ќе се случи оваа сезона, или следната, но не планирам да ја завршам мојата кариера само со две титули, објасни Мурињо.
На прашањето од новинарите за можното менаџирање на Манчестер Јунајтед, тој на шега одговори.
-Не мислам дека ќе го заменам Фергусон во Јунајтед. Мислам дека ќе ги завршиме кариерите во исто време. Јас на 70 години, а тој на 90, додаде Мурињо.