Составите на Реал Мадрид и Манчестер Јунајтед не успеаја да се изборат за предност за реваншот откако средбата донесе два гола и 1:1. Сè беше решено уште во првото полувреме така што сè ќе се решава дури на реваншот.
Уште од првата минута на средбата двете екипи наметнаа силно темпо. И Реал Мадрид и Манчестер Јунајтед имаа свои шанси за да стигнат до предност. Сепак, играта која ветуваше голови во првата третина од првото полувреме не донесе загрозување на голот.
Првата шанса заврши со одбрана на Де Геа, кој успеа да одбие доволно за потоа топката да заврши во стативата. Меѓутоа неколку минути беа доволни за гостите да го отворат мечот. Голот падна преку Велбек кој беше на вистинското место во 20. минута при уфрлената топка од корнер. Тој скокна највисоко и го смени патот на топката. Лопез бранеше на прва, а топката заврши до втората статива и тоа беше 0:1.
Само десет минути беа потребни за нерешени 1:1. Роналдо беше играчот што успеа да донесе израмнување на резултатот откако Де Геа беше немоќен да го запре ударот иако беше на вистинското место.
До крајот на првиот дел не се смени ништо, а неколку убави шанси завршија со удари покрај голот.
Второто полувреме продолжи со динамичното темпо, но шансите ретко најавуваа погодок. Првиот удар го имаше Коентрао, но Де Геа успеа да одбрани во ракометен стил.
Манчестер својата шанса ја имаше преку Ван Перси, кој во една минута имаше две одлични шанси. Во 72. минута тој доби топка од Руни. Биеше силно, но голманот Диего Лопез беше на вистинското место. Ја одби топката која заврши во пречката и се врати во поле. Велбек успеа да дојде до неа, а после две додавања одново Ван Перси беше во шанса, но биеше млако и недоволно за погодок. Арбелоа ја врати во игра, па остана 1:1.
Де Геа беше херојот на Манчестер на овој меч бидејќи успеа да одбрани многу тешки топки со што го остави својот тим со шанса за да дојде до место во четвртфиналето. На крајот, пак, Ван Перси имаше нова можност, но Лопез исфрли во корнер, кој судијата не доволи да биде изведен, па во Англија ќе се оди со нерешени 1:1.