Фудбалерите на Баерн синоќа на „Алијанц Арена“ во Минхен на првиот полуфинален дуел од Лигата на шампионите убедливо ја совладаа Барселона со 4:0 (1:0) и се многу блиску да се пласираат за финалето што на 25.мај се игра во Лондон.
Во текот на целиот натпревар германскиот тим доминираше на теренот. Водечкиот гол во 25. минута го постигна Томас Милер, а катастрофата на „каталонците“ ја навести Марио Гомез во 49. минута кога зголеми на 2:0. Арјен Робен во 73. минута беше стрелец за 3:0, а конечните 4:0 ги постави Милер со својот втор гол на натпреварот во 82. минута.
Со овој резултат Баерн е многу блиску до повторување на успехот од ланската сезона кога исто така беше финалист.
Реванш натпреварот на „Камп Ноу“ во Барселона се игра на 1.мај.
Вечерва се игра второто полуфинале меѓу Борусија Дортмунд и Реал Мадрид. Почетокот на дуелот е во 20 часот и 45 минути.