Ѕвездата на ПСЖ, Златан Ибрахимовиќ приреди вистинско гол шоу на вчерашниот натпревар од третото коло в ЛШ против Андерлехт.
Ибрахимовиќ прецизно биеше дури 4 пати во гостинската победа на „светците“ во Брисел од 5-0, почнувајќи од 17-та па се до 62-та минута, а Единсон Кавани само еднаш се запиша во листата на стрелците откако погоди во 52-та минута за 4-0 од натпреварот.
Вториот погодок на Ибра беше вистинско ремек дело во кое тој повторно ја прикажа специјалноста, постигнувањето на одлични голови со пета.
ПСЖ по 3 одиграни кола во групата Ц се наоѓа на чело на табелата со освоени максимални 9 бода од 3 натпревари.