Македонскиот првак ЖРК Вардар втора сезона во низа обезбедува директно учество во групната фаза од Лигата на шампионите во женска конкуренција.
Немаше никакви дилеми дека третата европска ракометна сила ќе има таква позиција во новата сезона 2015/2016, во најсилното континентално клупско натпреварување, а викендов таквата констатација доби и официјална потврда од Извршниот комитет на ЕХФ.
„Црвено-црните“ дами се во друштво на 14 национални шампиони, црногорскиот и европски првак Будуќност, новиот унгарски шампион Ференцварош, како и Ларвик, Митјиланд, Крим, Букурешт, Турингер, Ростов-Дон, Савехоф, Хипо, Подравка, Флери и Љублин, кои според рејтингот имаат шанса мирно да го чекаат почетокот на новото издание на Лигата на шампионите, закажан за викендот 16-18 октомври.
Ждрепката која ќе ги даде конкурентите на „вардарки“ во групната фаза во Лигата на шампионите е закажана за в петок, од 19:15 часот.
ЃЕР ВО КВАЛИФИКАЦИИ
По седум сезони унгарски Ѓер се наоѓа во ситуација преку квалификациите да брка учество во Лигата на шампионите. Откако со Ференцварош ја загуби „трката“ за националната титула, а Вардар ја елиминираше на патот кон Ф4 во Будимпешта, сега веќе екс-двократниот европски првак ќе се најде меѓу осумтте екипи кои ќе се обидат да дојдат до двете преостанати места во следното издание. За да се комплетира бројката со 16 екипи за групната фаза, ќе се одржат два квалификациски турнири на кои покрај Ѓер ќе учествуваат и Есбјерг, Минск, холндски Далфсен, Раднички, Анкара, Гласверкет и Баја Маре.
Квалификациските турнири ќе се одржат на 12 и 13 септември, а изгледот на конкуренцијата и организаторите на истите ќе бидат дефинирани на ждрепката, в петок.
ПЕТ ТИМА ОДБИЕНИ
Врз база на новите критериуми на ЕХФ само две од седумте екипи кои бараа „вајлд-карта“ Баја Маре и норвешки Гласверкет обезбедија место во квалификациите за ЛШ, додека пет екипи Лада, Мец, Гданиа, Муратпаша и И. Конверсано.