Најдобриот светски тенисер, Новак Ѓоковиќ, и во петтото финале не успеа да го освои Синсинати, единствената Мастерс титула која му недостига во кариерата, откако вечерва загуби од маестралниот Роџер Федерер со 2-0 (7-6, 6-3).
Ѓоковиќ не успеа да влезе во историјата на тенисот и да стане првиот тенисер кој ги обединил сите титули од Мастерс турнирите од актуелниот АТП календар, а овој пат повторно како непремостлива пречка се покажа Роџер Федерер.
Федерер вечерва делуваше маестрално во сите аспекти на играта, особоено во вториот сет кој го доби со 6-3. Првиот сет беше далеку повозбудлив, а во тај-брејкот Швајцарецот покажа поголема смиреност и го доби со убедливи 7-1.
Ова е вкупно 87-ма титула во кариерата на Роџер Федерер, од кои 24 се од Мастерс серијата, а исто така поведе и со 21-20 во меѓусебниот скор со Ѓоковиќ.