Македонскиот ракометен првак Вардар кој до пред пет дена беше лидер во Б-групата од Лигата на шампионите се најде на 3.место по одигрувањето на првите два дуела од 8.коло на кои победи забележаа конкурентите на „црвено-црните“.
Пик Сегед синоќа славеше со 34:32 на гостувањето кај Кристијанштад, додека Рајн Некар Ловен на домашен терен го совлада со Монпеље 25:21.
На врвот на табелата е Барселона со 11 бодови, сега втор е Рајн Некар исто така со 11 бодови но послаба гол разлика од Каталонците. Вардар има 10 исто колку и ПИК Сегед, кој има натпревар повеќе. Следуваат Киелце 8, Кристијанштад 4, Монпеље 4 и Колдинг 2.
Дуелот Вардар - Барселона со игра в недела со почеток во 17:45 часот.
Вториот македонски претставник во елитното ракометно натпреварување, тимот на Металург вечер од 20 часот гостува во Швајцарија кај Кадетен Шафхаузен.