Најдобриот македонски ракометар, Кире Лазаров со шесте погодоци, ја надмина бројката од 103 голови во овосезонската Лига на шампиони. Но, и покрај тоа, Барселона не успеа во ракометното дерби против Кил.
Двата великани на европскиот ракомет, го одиграа 20. класико во кое домашниот тим победи со 29:24. „Зебрите“ сосема заслужено стигнаа до победата, доминирајќи во најголемиот дел од мечот. Барселона, пак не можеше да издржи под притисокот, но и од одличниот Ландин. На спротивната страна, Доминик Клајн кој со девет погодоци беше најефикасен на натпреварот.
Реваншот ќе се игра идната сабота во Барселона, каде што домаќините ќе бркаат разлика од пет погодоци, за пласман на Ф4 турнирот.