Хуижу, 26 јуни 2016 (МИА) – Српската ватерполо репрезентација го одбрани трофејот во Светската лига, бидејќи денеска во финалето на турнирот во Кина убедливо ја победи селекцијата на САД со 10:7 (2:1, 3:1, 3:0 и 2:5).
За Србија ова беше четврто злато по ред или вкупно 10. во ова натпреварување.
Најефикасен во победничкиот состав беше Филип Филиповиќ со три гола.
За победата Србија ќе добие парична награда од 100.000 долари.
Претпладне, во меч за третото место, Грција ја совлада Италија со 11:7.