Меѓународниот олимписки комитет реши дека Русија може да испрати свои спортисти на Игрите во Бразил
Руското знаме ќе се виори на Летните олимписки игри во Рио де Жанеиро, откако Меѓународниот олимписки комитет дозволи спортистите од оваа земја да учествуваат на најзначајното натпреварување во светот, кое се оддржува на секои четири години. ИОК на состанок во Лозана реши дека нема да ја исфрли Русија од членството, а со тоа и нема да забрани нивни настап на Игрите во Бразил.
Сепак, од ИОК потенцираа дека секоја спортска федерација самостојно може да реши дали ќе дозволи настап на руски спортисти, што значи дека, сепак, може дел од натпреварувачите да извисат и да не се појават на борилиштата во Рио. Игрите стартуваат на 5 август и ќе траат до 21 истиот месец.
Скандалот со можната суспензија на Русија од ЛОИ започна откако Светската антидопинг агенција (ВАДА) откри дека се правеле манипулации со допинг тестовите во Русија. Од ВАДА посочија дека во овој скандал била вклучена и руската влада и дека тие знаеле за неправилните дејствија кои се правеле.
На крајот Русија, сепак, ќе учествува во Русија. Тие досега пријавија преку 350 учесници, а дополнително ќе се знае колку од нив ќе добијат право за настап.