По настапот на Олимписките игри, македонскиот пливач Марко Блажевски се врати на НЦАА активностите, и тоа со два нови државни рекорди. Тој овој пат на митингот „Спедо чемпс“, кој се одржа во Гринзборо, Соединетите Американски Држави, постави државен рекорд во дисциплината 200 метри мешано, каде што имаше време од 2:04.73 минути. Со тоа Блажевски го освои првото место и го подобри стариот рекорд во време од 2:05.53, кој беше во сопственост на Александар Миладиновски. Блажевски второто најдобро постигнување го направи на 200 метри пеперутка, каде што имаше време од 2:04.14 минути.
Благодарение на добрата форма во која се наоѓа нашиот пливач, во последните две години, Блажевски успеа да подобри пет државни рекорди на Македонија. Првиот го забележа на 200 метри градно (2:18.14 минути), потоа на 200 метри мешано (2:03:06 минути), 200 м грбно (2:12.82 м.). На 400 метри мешано имаше време од 4:23.51 минути, со што го подобри остварувањето на Александар Маленко, кој беше стар 18 години. Последното остварување беше на „Спедо чемпс“, каде што на 200 пеперутка имаше време од 2:04.14 минути.
Со одлука на советот на Македонскиот олимписки комитет, на седницата одржана година, Марко доби стипендија. Тој во овие две години има примања во износ од 800 долари. Покрај него, со оваа признание се здоби и Богдановски. Овие финансирања служат за остварување што поквалитетни подготовки, кои би донеле и подобри резултати на интернационалните натпреварувања.
НАЈДОБАР ПЛИВАЧ ВО КАРОЛИНА
Со своите одлични претставувања низ Северна Америка, Марко се стекна со признанието најдобар пливач во Каролина. Неговите постигнати резултати имаат најголема вредност според ФИНА-табелата. Поради ова остварување, тој доби стаклена статуа од гувернерот на Северна Каролина, Пет Мекори.