Искусните ракометари не се најдоа на скратениот список на новиот селектор, додека, пак, Ристовски како што можеше да се претпостави, остана на истиот.
Новиот селектор на ракометната репрезентација на Македонија, Раул Гонзалез го објави скратениот список од 19 ракометари за дуелите за Исланд. Аце Јоновски и Немања Прибак не го „преживеаа“ овој дел, и беа изоставени од првото кратење. Додека, пак, Борко Ристовски, повратникот во репрезентацијата остана на скратениот список.
Нашата репрезентација првиот дуел со Исланд го игра на домашен терен и тоа на 4. мај во 20:00 часот каде што ќе ги пречекаме во СЦ „Борис Трајковски“. Вториот меч меѓу овие две селекции се игра три дена подоцна во Рејкјавик.
Гонзалес го скрати првичниот список од 28 на 19 играчи:
Борко Ристовски,
Мартин Томовски,
Дејан Манасков,
Гоце Ојлески,
Гоце Георгиевски,
Стојанче Стоилов,
Никола Маркоски,
Филип Лазаров,
Жарко Пешевски,
Кирил Лазаров,
Влатко Митков,
Филип Талески,
Филип Кузмановски,
Велко Маркоски,
Мартин Поповски,
Филип Миркуловски,
Никола Митревски,
Марко Нелоски и
Мартин Велковски.