Најдобриот стрелец на Барселона во ЛШ не можеше сам да го запре налетот на Вардар. Малку беше еден Кире за целата чета на Гонзалез
Кирил Лазаров беше најдобриот стрелец на Барселона, со шест погодоци во полуфиналниот дуел со македонскиот првак Вардар. Но, еден Кире не беше доволен за да растане на патот на „црвено-црната“ чета на Раул Гонзалез. Знаеше капитенот на националниот тим на Македонија дека ќе игра против „своите“ односно македонски клуб и дека во таква ситуација против себе ќе ги има и навивачите и вардаровите „Комити“.
Но десниот бек си остана доследен сам на себе и на клубот чии бои ги брани. Спортски и во знакот на фер-плеј Лазаров најдобро што знаеше си ја одработи својата задача и се бореше одново да се најде во финалето на Лигата на шампионите, во последната сезона во која го носи дресот на каталонскиот гигант.
Ќе мора Кире да се задоволи со третото место, затоа што Вардар конечно ја најде формулата за да го запре „бомбардерот“ и големата Барселона.